ابيات من ذهب

للشاعر سعد بن جذلان

ودنا بالطيب بس الدهر جحـاد طيـب
---------------------- كل ما تخلص مع الناس كنـك تغشهـا
يدك لامدت وفاء لاتحرى وش تجيـب
---------------------- كان جاتك سالمه حب يـدك وخشهـا
كل ماشبيت نار المحبـه مـع حبيـب
---------------------- قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
---------------------- مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
---------------------- جعل قشاش الحطب لاسـرح يقتشهـا



عبدالرزاق الهذي

الموت موت الضمير وموتة الذمه
---------------------- ونفس ٍ رضت من رداها في مذلتها
ما الميّت اللي بموته ينتهي همه
---------------------- الميّت اللي حياته مثل قلـّتها
كم واحدٍ طاب ابوه وخاله وعمه
---------------------- وإيده من الطايلات الله مفلـّتها
لو يستحي قاصر الشوفه على دمه
---------------------- ما جاهرَت روحه الجربا بعلتها



فيصل السواط

الصمت حكمه والكلام اكثر من اللازم غبا
ما دام فالدنيا مواقف ما يعبّرها كلام
وانا اشهد اني مندفع من يوم خفاقي حَبا
الين لحّـقني معَ العالم ومعء نفسي ملام
قمة غبائي يوم اردّد ..وصَل السيل الزبا
وأهدّ مرقب هيبتي وابني من أنقاضي غـرام
لا والله الا في أمان الله والعشق يهَبا
ولا ينقـّص من روافد عزتي ( ملي جرام )



حمد هادي المسردي

من كثـر ماله ساروا الناس برضاه
---------------------- ولو كان ناقص .. قالوا الناس : وافي
ومن قلّ ما بـِيده ترى الناس تشناه
---------------------- لو كان يسقيهم عسل قنـد صافـــــي
فالمال كم ساسٍ طمانٍ وعلاّه
---------------------- والفقر كم حطـّم روابع سنافــــــــي
لا شك ما للعبد عن حكم مولاه
---------------------- من خير ولاّ شر والرب كافــــــــي
ما كتـب للمخلوق لا بد يلقاه
---------------------- أمّا هزايم شرّ ولاّ عوافــــــــــــــي



حامد زيد


ملعون ابو العشق دام العشق دلعها
لا صارت البنت تامرنا وتنهينا
تجزم على الراي والكلمه تقطعها
وحنا الرجاجيل لا رحنا ولا جينا



مساعد الرشيدي

ينجرح قلب.. لكن ترتفع هامه
-------------- والله امي لاموت ولاانحني راسي
لو رماني زماني وسط..دوامه
--------------العواصف شديده .. والجبل راسي
أنقل الحزن وامشي منتصب قامه
-------------- قاسي الوقت .. لكني بعد قاسي
واسمع الحلم يصرخ لحظه اعدامه
-------------- رابط الجاش ... ماهز الخبر باسي
عزتي غاليه ..والناس سوامه
-------------- قلت ماابيع حتى تقطع انفاسي
زانت ايام عمري .. شانت ايامه
-------------- مارجيت العزى من رحمة الناسي
من عجز لايدوس الهم باقدامه
-------------- لازم انه مع الايام ينداسي
يندمل جرح القلبٍ ..ماتت احلامه
-------------- بس ما اظن يبرى جرح الاحساسي
يوم صارت مابين القلب والهامه
--------------وش ابي بالحياة الياانحنى راسي





فهد المساعد

يمكن انا اكون اعز انسان في عيونك..
بس انت والله كل الناس في عيوني



حامد زي


لا جـميل شـفت قـبله ولا بعده جميل..
العذارى رهن رمشه وانا رهن اصبعه
والله انـه لـوطلبني طـلوع المستحيل..
لاطـلعه مـني مـنا يـعني لاطلعه



خالد الفيصل

فيني اكبر غرام من العاشقين..
والامل يسبق من الفرحة رجاي
إنتِ الدنيا اذا جاد الزمان..
وإنتِ الحسرة اذا جاني بلاي
وإنتِ الما في حياتي والهواء..
وانتِ الحب الذي يملا فضاي



سعد علوش

ليت مالك في حياتك لا خوي ولا طليب..
كان باخشك وسط خافقي وأقول ضاع
والله إني أحبك وأحبك وأحبك لين أشيب..
يعني لين أموت وأنا أحبك للنخاع



مساعد الرشيدي
حزين من الشتاء والا حزين من الضماء ياطير
دخيل الريشتين اللي تضفك..حل عن عيني



دام أتـجــاهــك شـمال مـودعـك حـاجـه
ــــــــــــــــــــــــــــــــــــــــــــــــــ ـــــ ســلــم على حــايـل وسـلـم على شـــمـــر
قـدامـك الـخـافـق اللـي يـنـشـد علاجـه
ــــــــــــــــــــــــــــــــــــــــــــــــــ ـــــ كـنـه مـعـلــق عـلـى بـــــرزان ومــسـّـمــر ].



أنت جـــاه الـلي يعـيـش بدنـيتـه من غير جاه = وأنت عز اللي يحس انه يعيش اليـــــوم دون
وأنت عــندي مـــن تعدا كــل أوجه الاشتــباه = وأنت مـــن حــبك تـجاوز كل شكي والظنون
وأنت من كلي يحبه يا حبيبي مــن صـبـــــاه = وأنت من هذريت بسمه لين شكو بـي جـنـون
وأنت من لجله غدا قلبي أصم من الصفــــــاه = مستعد انه يسوي لجــلــك الـــلي ما يــهـــون