أخطر فيروس

موضوع: أخطر فيروس السبت أغسطس 30, 2008 1:53 am

أخطر فيروس :

بسم الله والحمد لله الصلاة والسلام على رسول الله صلى الله عليه وسلم...............
أما بعد...........

هل تعلمون يا إخوانى حجم الفيروس بيكون قد إيه؟.........
هل تعلم مدى غرابة هذا؟؟؟............
إنه لا يرى بالعين المجردة...........تخيل؟؟.........
يعنى اللى بيسبب وفاة الشخص والآلام الرهيبة دى كلها شىء لا يرى بالعين المجردة..............
شىء انت لا تراه...........ولو لاتعلم خطورته لظننت ( عندما تعلم حجمه ) أنه شىء تافه جدا وربما لا تعيره اهتمامك......

ولو افترضنا ان حجمه اتضاعف ملايين المرات ولاقيته على هدومك وانت ماشى هتشيله بايديك وانت حتى مش واخد بالك ايه دة ولا همك لحظة واحدة...........ولا هتخاف منه ولا هاتحذر ولا حاجة خالص ( حد يخاف من حاجة قد حبية الرملة؟ )...........

2طب بعد ماتعرف خطورته هتعمل ايه؟؟........... طبعا لو رأيته لاجتنبته فورا ولملئت منه رعبا............مع انه ( صغير جدا )............

3طب يا اخى لو قدر ربنا والفيروسات دى بقى حجمها كبير جدا يرى بالعين المجردة بوضوح شديد؟؟؟.......... طبعا هايكون اسهل اجتنابه والتحرز منه.........

4طب لو الفيروس دة مابيجيش غير بمجهود انت اللى بتعمله ( يعنى انت اللى بتتكلف وبتعمل حاجة معينة ومن غير كدة مايقدرش يهوب ناحيتك )............
طبعا طبعا طبعا هايبقى سهل اوى انك ماتعملش الحاجة دى ( حتى لو بتحبها ) لانك عارف ان وراها الموت........

..بس ممكن ساعتها واحد تغليه نفسه ويعمل الحاجة دى ( طبعا هو غلطان بس قلة صبر )..........

5طيب تخيل يا اخى ان الفيروس دة لا يؤدى الى الوفاة غير فى شهر فى السنة بس؟؟وباقى السنة ممكن يؤذيك حاجة بسيطة انما لن يؤدى ابدا الى الوفاة؟؟؟( يعنى اسهال مثلا وبرد وبهدلة برضة بس مش موت )............ايه هايكون تصرف الناس؟؟؟............
طبعا - بكل بساطة - الناس هتنقسم ساعتها لفريقين:

الفريق الأول( وهو الأفضل ) : لن يفعل هذا الشىء- المؤدى للإصابة بالمفيروس - طوال السنة خوفا من الإسهال والبرد والأمراض الأخرى......وفى الشهر مستحيل طبعا يفعلوه خوفا من الموت........

الفريق الثانى ( الأقل صبرا ) : سيجتنب فعل الشىء المؤدى إلى الإصابة بالفيروس فى هذا الشهر فقط أما باقى السنة فسيفعلوه لمدى حبهم لهذا الشىء وعدم صبرهم على مفارقته..............

لااااااااااااااااااااااااااااااااااااااااااا...... .....

فيه فريق ثالث :

لن يتجنب فعل الشىء لا فى هذا الشهر ولا فى غيره.........

بالله عليك قبل كلمة ( لااااا ) حد تخيل ان الفريق الثالث دة ممكن يكون موجود ؟؟؟................
ليه طيب مايصبروش بس الشهر دة عشان مايموتوش وبعد الشهر مايخلص يروح يعمل الشىء وخلاص ويستحمل بقى الأمراض المزمنة إنما مش هتوصل للموت؟؟؟..........
طبعا كلنا دلوقتى يا جماعة فهمنا انا قصدى ايه من ورا كل الكلام الكتير اللى فات............

يا جماعة........... هو طبعا مش صح ان الواحد يمتنع عن الذنوب فى رمضان بنية انه سيعود إلى فعلها بعد رمضان........

ولكن...........

من الأسوأ بالله عليك؟؟؟...........
من يمتنع عن الذنوب فى رمضان وهو ينوى فعلها بعده ام من يفعلها فى رمضان وفى غير رمضان؟؟؟..........
لا جدال ان الثانى هو الأسوأ............وهو الأكثر سيئات... وهو الأشد عقوبة يوم القيامة......... وهو الأبعد عن الله..................إلخ.......

طيب يا جماعة........مش معنى اننا نقول: ( غلط انك تبعد عن الذنوب فى رمضان وترجعلها بعده ) اننا نقول : ( لو عارف انك هترجعلها خلاص اعملها فى رمضان عشان مش هتفرق )...............
لا لالالالالالا...........
لو فعلا انت ناوى ترجعلها بعد رمضان انت كدة فى خطر ولازم تتوب منها فورا.........لكن جزاك الله خيرا انك راعيت حرمة الشهر وخفت على صيامك من الفساد وإقتطعت من عمر معصيتك شهرا كاملا............ولا إيه؟.........

يا جماعة..........الموضوع خطير جدا .......

مين فينا قلبه مابيتقطعش لما يشوف المتبرجات فى رمضان؟؟.............. (طبعا انت قلبك بيتقطع قبل رمضان انمافى رمضان مش بتحس كدة بوجع اكتر؟ ).......

مين فينا مابيتقطعش اما يشوف اختلاط فى رمضان؟؟.......
شرب سجائر ف رمضان ( ولو ليلا )..........
سماع غناء قى رمضان...........
مشاهدة مسلسلات وافلام فى رمضان؟........

كل هذه المعاصى.......... ألا تؤلم قلبك أكثر فى رمضان؟؟؟.......
لذلك يا إخوة لازم اللى عنده ذنب مش قادر يتخلص منه يبطله حتى لو فى رمضان بس........

,

موضوع: رد: أخطر فيروس السبت أغسطس 30, 2008 7:19 am

فتح الله عليك أستذنا
كل عام و انت بخير
و اطيب تمنياتنا للجميع بصوم مقبول و ذنب مغفور

موضوع: رد: أخطر فيروس السبت أغسطس 30, 2008 3:44 pm

بارك الله فيك

موضوع: رد: أخطر فيروس الخميس نوفمبر 27, 2008 5:21 pm